२०८२ मंसिर १४, आईतवार ०८:०७
जनता समाजवादी पार्टी (जसपा) नेपाल निकट गठित दलित, पिछडावर्ग, थारु आदिवासी र अल्पसंख्यक समुदायहरुको परिसंघ (डोटिम) को जिल्लास्तरीय धनुषाको तदर्थ समिति गठन गरिएको छ ।
जसपा नेता रामाशंकर पासवानको संयोजकत्वमा जिल्लाको प्रत्येक स्थानीय तहबाट प्रतिनिधित्व हुने गरी ३२ सदस्यीय तदर्थ समिति गठन गरिएको परिसंघका केन्द्रिय संयोजक चन्देश्वर पासवानले जानकारी दिएका छन् ।
शनिवार जनकपुरधाममा परिसंघको आयोजित वृहत अन्तरक्रिया कार्यक्रमको क्रममा पार्टीका राष्ट्रिय अध्यक्ष उपेन्द्र यादवको उपस्थितिमा सो तदर्थ समिति गठन गरिएको हो । परिसंघ धनुषा तदर्थ समितिको सदस्यहरुमा जनकपुरधामबाट शेख अहमद हुसैन, विजय पासवान, रुबी सादा, अनवारुल हक, जितेन्द्र माझी, अरमान शेख, भिमानका जितेन्द्र माझी, हंसपुरका जयप्रकाश सादा, लक्ष्मिनियाका रेखा महरा, औरहीका रमेश अधिकारी केवट र रामदयाल माझी लगायतका सबै स्थानीय तहबाट प्रतिनिधित्व गरी राखिएको छ ।
