२०८२ माघ ३, शनिबार ०८:१६
आगामी फागुन २१ गते हुने प्रतिनिधि सभा सदस्यका लागि मधेश प्रदेशबाट निर्वाचन (म्यादी) प्रहरीका लागि ५३ हजार भन्दा बढीले निवेदन दर्ता गराएका छन् ।
मधेश प्रहरी कार्यालयले दिएको विवरण अनुसार प्रदेशभरि नेपाल र शस्त्र प्रहरी कुल ५३ हजार ३३८ जनाले म्यादी प्रहरीमा निवेदन दिएका छन् । प्रदेशभरीमा २८ हजार २९५ जना आवश्यक रहेकोमा नेपाल प्रहरी तर्फबाट ४८ हजार २५० र सशस्त्र ५ हजार ८८ जनाले म्याद प्रहरीका लागि निवेदन दिएका छन् ।
प्रदेश प्रहरीले जनाए अनुसार नेपाल प्रहरी तर्फ जिल्लागत रूपमा सबैभन्दा बढी निवेदन धनुषाबाट ६ हजार ९१६ दर्ता भएको छ । अन्य जिल्लातर्फ पर्साबाट ५ हजार ३९९, रौतहटबाट ६ हजार २८४, बाराबाट ६ हजार ७७८, सर्लाहीबाट ६ हजार २६५, महोतरीबाट ५ हजार ३५९, सिरहाबाट ४ हजार ४५९ र सप्तरीबाट ६ हजार ३९५ जनाले निवेदन दर्ता गराएका छन् ।
यस्तै सशस्त्र प्रहरीतर्फ महोतरी जिल्लाबाहेक सबै प्रदेशमा निवेदन परेको छ । विवरण अनुसार पर्साबाट ५२१, बाराबाट १ हजार ६६४, रौतहटबाट ४६९, सर्लाहीबाट ३९६, धनुषाबाट २ ९९, सिरहाबाट ६२२ र सप्तरीबाट १ हजार ११७ निवेदन परेको हो । प्रदेश प्रहरीले दिएको जानकारी अनुसार पर्सामा २ हजार ४६७, बारामा ३ हजार ६३८, रौतहटमा ३ हजार ४६६, सर्लाहीमा ३ हजार ९२६, महोतरीमा ३ हजार ४४७, धनुषामा ४ हजार १४२, सिरहामा ३ हजार ३७२ र सप्तरीमा ३ हजार ८३७ म्यादी प्रहरीका लागि आवेदन माग गरिएको थियो ।
प्रदेश प्रहरीका अनुसार निवेदन दर्ता प्रक्रिया सम्पन्न भइसकेको छ र अब शारीरिक परीक्षण, स्वास्थ्य परीक्षण तथा अन्य मापदण्डका आधारमा अन्तिम छनोट प्रक्रिया अघि बढाइनेछ । म्यादी प्रहरी निर्वाचन अवधिभर सुरक्षाको महत्वपूर्ण जिम्मेवारीमा रहने भएकाले छनोट प्रक्रिया पारदर्शी र निष्पक्ष ढंगले गरिनेछ ।
