जनकपुर टुडे

२०८२ माघ १९, सोमबार १६:५१

गृहमन्त्री ओमप्रकाश अर्यालले आसन्न निर्वाचनलाई भयमुक्त गराउने गरी आफ्नो भूमिकालाई थप प्रभावकारी बनाउन प्रहरीलाई निर्देशन दिएका हुन् ।

सोमवार काठमाडौँमा आयोजित सोमबार काठमाडौँमा आयोजित नेपाल प्रहरी निरीक्षकहरूको दीक्षान्त समारोहमा बोल्दै उनले सो कुरा बताएका हुन् ।

गृहमन्त्री अर्यालले निर्वाचनलाई स्वतन्त्र, निष्पक्ष, भयमुक्त र विश्वसनीय रूपमा सम्पन्न गराउनका लागि प्रहरीहरूको भूमिका अझै प्रभावकारी हुनुपर्ने बताए । उनले निर्वाचनलाई सफलतापूर्वक सम्पन्न गरेर नेपाल प्रहरीले विगतमा जस्तै आफ्नो व्यावसायिक दक्षता प्रमाणित गरेर देखाउने विश्वास समेत व्यक्त गरे ।

गृहमन्त्री अर्यालले भने ‘आगामी फागुन २१ गते हुन गइरहेको प्रतिनिधि सभाको निर्वाचन लोकतन्त्रको महत्त्वपूर्ण परीक्षा हो । निर्वाचन स्वतन्त्र, निष्पक्ष, भयमुक्त र विश्वसनीय तवरबाट सम्पन्न गराउन नेपाल प्रहरीको भूमिकालाई थप प्रभावकारी बनाउनु होला । गृह मन्त्रालयको स्पष्ट निर्देशन छ–नेपाल प्रहरी पूर्णरुपमा तटस्थ, व्यावसायिक र कानुनअनुसार मात्रै परिचालित हुनेछ । कुनै पनि तत्त्वले नेपाल प्रहरीको निष्पक्षतालाई कमजोर पार्न पाउनेछैन । विगतमा जस्तै नेपाल प्रहरीले यस पटकको निर्वाचन पनि सफलतापूर्वक सम्पन्न गरेर आफ्नो व्यावसायिक दक्षता प्रमाणित गर्नेछ भन्ने पूर्ण रूपमा विश्वास लिएको छु ।’

त्यस अवसरमा गृहमन्त्री अर्यालले नेपाल प्रहरी पूर्ण रूपमा तटस्थ, व्यावसायिक र कानुन अनुसार चल्ने भएकाले उसको निष्पक्षमाथि कसैले पनि प्रश्न उठाउन सक्ने बताए । उनले कुनैपनि तत्त्वको दबाबमा नेपाल प्रहरी नपर्ने समेत बताए ।