२०८२ फाल्गुन ३, आईतवार २२:१८
सर्लाहीको पूर्वाधार विकास कार्यालयमा कार्यरत सब इञ्जिनीयर प्रमोद यादवमाथि गोली हानी हत्या गरिएको छ ।
आइतबार साँझ करिब ८ बजे डेरामै रहेको अवस्थामा गोली हानी हत्या गरिएको जिल्ला प्रहरी कार्यालय सर्लाहीले जनाएको छ । मलंगलवा नगरपालिका १० अदालत नजिकै डेरा लिइ बस्दै आएका छन् । उनलाई डेराको बरण्डामै गोली प्रहार गरिएको छ । गोली प्रहारबाट गम्भीर घाइते भएका सब इञ्जिनियर यादवको मलंगवास्थित प्रादेशिक अस्तापलमा उपचारको क्रममा मृत्यु भएको जिप्रका सर्लाहीका प्रवक्तासमेत रहेका डिएसपी सरोज राईले जनाकारी दिएका छन् ।
मलंगवा नगरपालिका वडा नम्बर १० मा डेरा रहेका उनी सिराहाको सुखीपुरका हुन् । घटनाबारे अनुसन्धान भइरहेको तथा सदरमुकाम मलंगवाको सुरक्षा व्यवस्था कडा पारिएको डिएसपि राईको भनाइ छ । भाडाको घरमा बस्दै आएका सब इञ्जिनियर यादवलाई मोटरसाइकलमा आएका अपरिचित हतियारधारी समूहले गोली हानी हत्या गरेका छन् ।
यादवको बायाँ छातीमा मुटुको तल नजिकबाट गोली प्रहार भएको थियो । गोली प्रहारबाट घाइते यादवलाई उपचारको लागि प्रादेशिक असपताल मलंगवामा ल्याए पछि उनको घटना स्थलमै मृत्यु भइसकेको उपचारमा संलग्न रहेका एक चिकित्सकले जनाएका छन् । सुखिपुर नगरपालिका घरभएका सब इञ्जिनियर यादव करिब १ वर्ष देखि पूर्वाधार विकास कार्यालय मलंगवामा कार्यारत थिए ।
सब इञ्जिनियर यादवको दुई बर्षको छोरी रहेको छ । आक्रमण बारे डिएसपी राईले भने गोली प्रहार कसले ग¥यो, आक्रमणकारी कति जना थियो, के मा आएको थियो लगायतका कुरा बारे अहिले केही खुलेको छैन अनुसन्धान तिव्र बनाएका र्छौ । घटनापछि सो क्षेत्र अहिले त्रसित भएको छ भने छन भने प्रहरीले ठाउँ ठाउँमा सर्च अभियान तिव्र पारेका छन् ।
