२०८२ फाल्गुन ९, शनिबार ०७:४९
राष्ट्रिय स्वतन्त्र पार्टी (रास्वपा) का बारा जिल्ला सह–सचिव एवं संगठन विभाग प्रमुख पवन चौधरीले पार्टी परित्याग गरी राष्ट्रिय एकता दलमा प्रवेश गरेको छ ।
बारामा रास्वपाको सांगठनिक विस्तारमा महत्त्वपूर्ण भूमिका खेल्दै आउनुभएका चौधरीको बर्हिगमनलाई जिल्लाको राजनीतिमा अर्थपूर्ण रूपमा हेरिएको छ । गत प्रतिनिधि सभा निर्वाचनमा बारा निर्वाचन क्षेत्र नम्बर ४ बाट रास्वपाको उम्मेदवार बन्नुभएका चौधरीले ७ हजार मत प्राप्त गरी बलियो उपस्थिति जनाएका थिए ।
क्षेत्रमा राम्रो जनमत र युवाहरूमाझ लोकप्रियता रहेका उहाँको प्रवेशले राष्ट्रिय एकता दललाई बारामा थप मजबुत बनाउने अपेक्षा गरिएको छ । पार्टी प्रवेश कार्यक्रममा बोल्दै चौधरीले रास्वपाको पछिल्लो कार्यशैलीप्रति असन्तुष्टि व्यक्त गर्दै देशको वास्तविक एकता र विकासका लागि नयाँ यात्रा सुरु गरेको बताए । उनीसँगै रास्वपाका केही स्थानीय कार्यकर्ताहरू पनि राष्ट्रिय एकता दलमा प्रवेश गरेका छन् ।
