जनकपुर टुडे

२०८२ चैत्र १७, मंगलवार १४:५६

प्रधानमन्त्री बालेन्द्र शाहले अत्यन्त जरुरी आयोजनाहरुलाई प्राथमिकताका आधारमा अघि बढाउने प्रतिवद्धता जनाउनुभएको छ ।

मंगलबार सिंहदरबारमा सुदूरपश्चिम प्रदेशबाट प्रतिनिधित्व गर्ने सांसदहरुसंग छलफल गर्दै प्रधानमन्त्री शाहले अत्यन्त जरुरी आयोजनालाई बजेटको सीमाभित्र रहेर प्राथमिकतामा आधारमा अघि बढाउने प्रतिवद्धता जनाउनुभएको हो ।

छलफलका क्रममा प्रधानमन्त्री शाहले प्रदेशमा अघि बढ्न नसकेका जरुरी योजनाहरुका बारेमा जानकारी लिनुभएको कैलाली–४ बाट निर्वाचित सांसद खेमराज कोइरालाले जानकारी दिनुभयो ।

सुदूरपश्चिममा तत्काल आवश्यक २ अर्व ६० करोड आसपासको बजेटलाई बिनियोजन गर्न आफुहरुले आग्रह गरेको र प्रधानमन्त्रीबाट सकारात्मक जवाफ प्राप्त भएको उहाले बताउनुभयो । सांसद कोइरालले बजेटको आकार हेरेर जरुरी योजनाहरुलाई अघि बढाउने समेत प्रतिवद्धता आएको जानकारी दिनुभयो ।

प्रधानमन्त्री शाहले यसअघि सोमबार कोशी र कर्णाली प्रदेशबाट निर्वाचित बिभिन्न दलका सांसदहरुसंग छलफल गर्नुभएको थियो ।