२०८३ बैशाख १८, शुक्रबार १५:३०
नेपाली कम्युनिस्ट पार्टी (नेकपा) का सहसंयोजक माधवकुमार नेपालले सरकारको लक्षण राम्रो नदेखिएको बताएका छन् ।
अन्तर्राष्ट्रिय मजदुर दिवसका अवसरमा नेकपाले काठमाडौंमा आयोजना गरेको कार्यक्रममा उनले सरकारले एक सय दिन पनि पूरा नगरेको अवस्थामा लक्षण राम्रो नदेखिएको बताए ।
जनतालाई पीडा र यातना दिने काम नगर्न उनले सरकारलाई आग्रह गरे । नयाँ सरकारको सुरुदेखिको कामले लक्षण राम्रो नदेखिएको भन्दै वर्तमान सरकारसँग धेरै आशा गर्ने अवस्था नरहेको उनको भनाइ छ ।
तत्कालको कदमबाट आत्तिनु नहुने उनको भनाइ छ । “तत्कालको कुनै सरकारी दमनपूर्ण कदमहरूबाट आत्तिनु हुँदैन । न्यायको पक्षमा दृढताका साथ उभिनुपर्छ,” उनले भने । अधिकारका निम्ति एकताबद्ध हुनुपर्ने उनको भनाइ छ ।
