२०८३ जेष्ठ ९, शनिबार ०८:५०
मधेश प्रदेश सभामा दलहरुबीच पटक पटक देउँसी भैलो हुँदै आएको छ । तर शुक्रवार बसेको बैठकमा जनमत पार्टी र एमालेबीच मधेश प्रदेश सभामा चर्काचर्की मात्रै भएन, उखान–टुक्का र कटाक्षले भरिएको ‘देउँसी–भैलो’ नै चल्यो ।
कांग्रेस–एमाले गठबन्धन र संघीयताको विषयलाई लिएर सत्ता पक्ष र प्रतिपक्षबीच आरोप–प्रत्यारोप मात्र भएन कि, सत्ता पक्ष र प्रतिपक्ष आमनेसामने हुँदा बैठक केही समय निकै तातिएको थियो । जनमत पार्टी संसदीय दलका नेता चन्दन सिंहले नेपाली कांग्रेस र एमालेबीच बनेको सत्ता गठबन्धनलाई ‘अप्राकृतिक’ भन्दै त्यसलाई ‘भैंसी र गदहाको सहवास’ जस्तो रहेको टिप्पणी गरेपछि सदनमा हलचल मच्चिएको थियो ।
उनले एमालेलाई व्यंग्य गर्दै भने, ‘हाम्रा केही साथीहरू जो हिजोसम्म हामीसँगै थिए, तर आज अप्राकृतिक गठबन्धनमा लाग्नुभएको छ । एउटा उखानमा भन्या छ नि— भैंसी र गदहा जस्तोको सहवास । यस्तो गठबन्धनले अप्राकृतिक शक्ति जन्माउँछ, त्यसैले समय छदैं फर्केर आऊ ।’ सिंहले कांग्रेस–एमाले सहकार्यले देशलाई पुनः अस्थिरता र संकटतर्फ धकेल्ने खतरा बढेको दाबी पनि गरे । विगतका राजनीतिक घटनाक्रम स्मरण गराउँदै उनले संघीय संसद्मा बनेका यस्तै समीकरणकै कारण देशले कठिन परिस्थिति भोग्नुपरेको उल्लेख गरे । उनले जनआन्दोलनअघिको अवस्था दोहोरिन सक्ने चेतावनी दिँदै मधेश प्रदेशकै अस्तित्वमाथि समेत प्रश्न उठ्न सक्ने आशंका व्यक्त गरे ।
‘भोलि मधेश प्रदेश नै नरहने अवस्था आउँदैन भनेर ग्यारेन्टी गर्न सकिँदैन,’ भन्दै उनले वर्तमान सत्ता गठबन्धनप्रति असन्तुष्टि पोखे । जनमत नेताको कटाक्षपछि एमाले संसदीय दलका नेता सरोज यादवले पनि उस्तै शैलीमा जवाफ फर्काए । उनले अरूको कमजोरी औँल्याउनुभन्दा पहिले आत्मसमीक्षा गर्न सुझाव दिँदै ‘आफ्नो आङको भैँसी नदेख्ने, अर्काको आङको जुम्रा देख्ने प्रवृत्ति’ त्याग्नुपर्ने टिप्पणी गरे ।
यादवले एमाले देशकै ठूलो संघीयतावादी शक्ति भएको दाबी गर्दै एमालेलाई संघीयताको पाठ पढाउने प्रयास उचित नहुने चेतावनी दिए । उनले ‘जेनजी विद्रोह’ प्रसंग निकाल्दै त्यसबेला एमाले नेतृत्व मात्र नभई जनमत पार्टीका कार्यालयसमेत असुरक्षित बनेको स्मरण गराए । ‘जेनजी विद्रोह हुँदा हाम्रो नेतृत्व मात्रै असुरक्षित भएको थिएन, तपाईंहरूको कार्यालय पनि जलाइएको थियो,’ उनले भने, ‘त्यसैले एमालेमाथि औँला उठाउँदा आफ्नो वास्तविकता पनि हेर्नुपर्छ ।’ नेपाली कांग्रेस र नेकपा एमाले बीचको गठबन्धनले देशलाई पुनः अस्थिरता र संकटतर्फ धकेल्ने खतरा बढेको बताए ।
उनले विगतमा कांग्रेस–एमाले सहकार्यको परिणामले निम्त्याएको जेनजी आन्दोलनबाट उत्पन्न परिस्थतिले देशले भोगिरहेको अवस्था बारे अवगत सकेको राजनीतिक समीकरणप्रति चिन्ता व्यक्त गरे । उनले जनआन्दोलनअघिको राजनीतिक अवस्था स्मरण गराउँदै त्यतिबेलाको परि स्थिति पुनः दोहोरिन सक्ने बताए । ‘भोलि मधेश प्रदेश नै नरहने अवस्था आउँदैन भनेर ग्यारेन्टी गर्न सकिँदैन,’भन्दै उनले वर्तमान सत्ता गठबन्धनप्रति असन्तुष्टि जनाए । सिंहले गरेको कटाक्षमा एमाले संसदीय दलका नेता सरोज यादवले एमाले नेता यादवले अरूको कमजोरी औँल्याउनुभन्दा पहिले आत्मसमीक्षा गर्न आग्रह गरे ।
उनले ‘आफ्नो आङको भैँसी नदेख्ने, अर्काको आङको जुम्रा देख्ने प्रवृत्ति’ त्याग्नुपर्ने भन्ने जवाफ फर्काए । उनले एमाले देशकै ठूलो संघीयतावादी शक्ति भएको दाबी गर्दै एमालेलाई संघीयताको पाठ पढाउन खोज्नु उचित नहुने चेतावनी दिए । ‘जेनजी विद्रोहÚको प्रसंग उल्लेख गर्दै उनले त्यसबेला एमाले नेतृत्व मात्रै नभई जनमत पार्टीका कार्यालयसमेत असुरक्षित बनेको टिप्पणी गरे । ‘जेनजी विद्रोह हुँदा हाम्रो नेतृत्व मात्रै असुरक्षित भएको थिएन, तपाईंहरूको कार्यालय समेत जलाइएको थियो, ‘उनले भने, ‘त्यसैले एमालेमाथि औँला उठाउँदा आफ्नो वास्तविकता पनि हेर्नुपर्छ ।’
