२०८३ जेष्ठ ३१, आईतवार ०८:०७
पर्साको विरगञ्ज मालपोत कार्यालयमा सधै बिचौलियाहरुको रजगज रहने गरेको छ । सुशासन, पारदर्शिता र भ्रष्टाचार नियन्त्रणलाई आफ्नो प्रमुख एजेन्डा बनाएको वर्तमान सरकारमाथि वीरगञ्जको आदर्शनगरका २१ घरपरिवारले गम्भीर प्रश्न उठाउंदै वीरगञ्ज मालपोतमा बिचौलियाहरुको रजगत रहेको आरोप लगाएका छ्न ।
पाँच दशकअघि कानुनी रूपमा खरिद गरिएको जग्गाको स्वामित्वमाथि पुनः विवाद खडा गरिँदा उनीहरू आफूहरू राज्य संयन्त्रकै दबाबमा परेको दाबी गर्छन् । उनीहरूले वैधानिक कागजात, अदालतका फैसला तथा सरकारी अभिलेख हुँदाहुँदै पनि आफूहरूलाई अनावश्यक दुःख दिने प्रयास गुनासो गरेका छ्न । विवादको सबैभन्दा चर्चित घटना वीरगञ्जका रुपेश मानन्धरको परिवारसँग जोडिएको छ । उनका हजुरबुबा सत्यनारायण मानन्धरको निधन भएको १२ वर्ष बितिसकेको छ ।
मृत्युदर्ता भइसकेको र सम्पूर्ण अभिलेख सरकारी कार्यालयमै सुरक्षित रहेको अवस्थामा पनि भूमिसुधार तथा मालपोत कार्यालय पर्साबाट उनकै नाममा उपस्थित हुन पत्र जारी गरिएको छ । रुपेश मानन्धर भन्छन्, ‘मृत व्यक्तिको नाममा पत्र काटिनु सामान्य प्रशासनिक कमजोरी मात्र होइन । यसले राज्यको अभिलेख प्रणाली र नियतमाथि नै प्रश्न उठाएको छ। यदि यस्तो गल्ती सच्याउन नसक्ने अवस्था हो भने नागरिकले न्यायको आशा कहाँ गर्ने ीलाल रौनियार भन्छन्, ‘हामीले कानुन मानेर जग्गा किन्यौं, कर तिर्यौं र घर बनायौं । तर अहिले राज्यले हामीलाई नै शंकाको दृष्टिले हेरेको अनुभूति भइरहेको छ। कानुन पालना गर्ने नागरिक नै बारम्बार प्रमाण बोकेर कार्यालय धाउन बाध्य हुनु दुःखद हो ।’
