जनकपुर टुडे

२०८३ असार २२, सोमबार १३:००

पूर्वाधारमन्त्री सुनील लम्सालले जनताको पक्षमा इमानदारपूर्वक काम गर्न सबै जनप्रतिनिधि र पदाधिकारी जिम्मेवार हुनुपर्ने बताएका छन्।

आइतबार तनहुँको शुक्लागण्डकी नगरपालिका–५ दुलेगौँडामा रास्वपाका नेता तथा कार्यकर्तासँगको भेटघाट कार्यक्रममा उनले सो बताएका हुन्।

यस्तै, उनले काम नगर्ने प्रदेशमन्त्री र मेयरलाई कारबाही गर्ने चेतावनी दिएका छन्। ‘यदि मेयरले जनताको काम गर्नुभएन, जनतालाई अपहेलना गर्नुभयो भने हामीलाई जानकारी दिनुहोस्। आवश्यक कारबाही गर्छौं,’ उनले भने, ‘प्रदेशका मन्त्रीले पनि त्यस्तै गर्नुभयो भने थुन्छौं। चिन्तै लिनुपर्दैन।’

उनले गैरजिम्मेवार पदाधिकारीमाथि कानुनअनुसार आवश्यक कारबाही प्रक्रिया अघि बढाइने बताए।

उनको यो अभिव्यक्ति अहिले सामाजिक सञ्जालमा भाइरल भइरहेको छ। यसअघि उनले काम नगर्ने ठेकेदाहरूको खुट्टा भाँच्ने चेतावनी दिएका थिए।