२०८३ श्रावण १९, मंगलवार ११:०४
महोत्तरीको गौशाला नगरपालिका-९ डुमरवानास्थित भित्री सडकखण्डमा मंगलबार बिहान स्कुल बस दुर्घटना हुँदा चालकसहित ६ जना घाइते भएका छन्।
महोत्तरी प्रहरीका अनुसार बिहान करिब ७:३० बजे इमली बजारबाट गौशालातर्फ जाँदै गरेको मोर्डन सारदा शिक्षा मदन बोर्डिङ स्कुलको बा १ क ६१२९ नम्बरको बस अनियन्त्रित भई दुर्घटनामा परेको हो।
दुर्घटनामा बस चालक गौशाला नगरपालिका-५ का करिब ४० वर्षीय विजय भुजेलसहित सवार ६ जना घाइते भएका छन्। घाइतेमध्ये १ जनाको अवस्था मध्यम र ५ जनाको अवस्था सामान्य रहेको जिल्ला प्रहरी कार्यालयले जनाएको छ।
घाइतेहरूको उपचारका लागि गौशालास्थित बिके अस्पताल तथा स्थानीय पोलिक्लिनिकहरूमा पठाइएको छ। घटनाको कारणबारे थप अनुसन्धान भइरहेको प्रहरीले जनाएको छ।
