२०८३ मंसिर ३, बिहिवार ११:४५

मकवानपुरको भीमफेदी गाउँपालिका–१ भैँसेस्थित हेटौँडा–भैँसे सडकखण्डमा जिप दुर्घटना हुँदा तीन जनाको मृत्यु भएको छ भने ७ जना घाइते भएका छन्।

रौतहटको चन्द्रनिगाहपुरबाट काठमाडौंका लागि आउँदै गरेको ना १ ज २१४३ नम्बरको यात्रुवाहक सुमो जिप आज (बिहीबार) बिहान करिब ८ः३५ बजेतिर घुम्तीमा अनियन्त्रित भई सडकबाट करिब १० मिटर तल भैँसे खोलामा खसेर दुर्घटना भएको हो।

दुर्घटनामा सुमो चालकसहित १० जना घाइते भएका थिए। घाइतेहरूलाई तत्काल प्रहरीले उद्धार गरी उपचारका लागि हेटौँडा अस्पताल पठाइएकोमा बिहान ९ः२० बजेतिर चिकित्सकले तीन जनालाई मृत घोषणा गरेका हुन्। मृतकहरूको पहिचान हुन बाँकी रहेको प्रहरीले जनाएको छ।

अन्य ७ जना घाइतेको हेटौँडा अस्पतालमा उपचार भइरहेको छ भने उक्त दुर्घटनाको सम्बन्धमा थप अनुसन्धान भइरहेको छ।

Comment

Related News

Latest News

Trending News