जनकपुरको साहित्य, संस्कृति, सभ्यता र समाजका विविध रंगहरूको अभिमुखीकरणका लागि जनकपुर साहित्य महोत्सव दोस्रो संस्करण बुधबार(आज)देखि सुरु हुदै छ ।
जनकपुरको महिमालाई उजागर गर्नका लागि र मिथिलाञ्चलको सभ्यतालाई पुर्नजागरण गराउन जनकपुर साहित्य महोत्सव दोस्रो संस्करण आयोजना गरिएको निर्देशक दिलभूषण पाठकले बताए । नव मिथिला फाउन्डेसनको आयोजना, बुक हिल पब्लिकेसन र सानो पाइलाको सह आयोजनामा साहित्य महोत्सव हुन लागेको हो । महोत्सवले साहित्यका माध्यमबाट संस्कृति र राजनीतिसम्म समाजलाई जोड्ने पाठकले बताए । ४ दिनसम्म चल्ने महोत्सवमा २० सेसनमा ८० वक्ता र २० प्रस्तोताले संवाद गर्नेछन् । पूर्वराष्ट्रपति डा. रामवरण यादवले उद्घाटन गर्ने कार्यक्रममा प्रदेश २ का मुख्यमन्त्री लालबाबु राउत, जनकपुरका मेयर र उपमेयर रहनेछन् भने उधोगपति विनोद चौधरीले कि–नोट मन्तव्य दिनेछन् । राजनीतिज्ञहरू प्रदीप गिरी, गगन थापा, रामकुमारी झाँक्री, रवीन्द्र मिश्र, पत्रकारहरू सुधीर शर्मा, हरिबहादुर थापा, अमित ढकाल, वसन्त बस्नेत, किरण नेपाल, कलाकारहरू राजेश हमाल, मनिषा कोइराला, रवीन्द्र झा, अनुप बराल, लेखक बुद्धिसागर, विप्लव प्रतीक, रामलाल जोशी, डा. राजेन्द्र विमल, जनकराज सापकोटा, सरला गौतम, हरि शर्मा लगायत स्थानीय कवि/ लेखक/ राजनीतिकर्मी/अधिकारकर्मी लगायतको सहभागिता रहनेछ ।
बुधबारदेखि शनिबारसम्म चल्ने महोत्सवमा समाजिक, सांस्कृतिक, साहित्यिक, राजनीतिक विषयका विज्ञहरूले विभिन्न सत्रमा प्रस्तुति दिने वताइएको छ । महोत्सव उद्घाटन बुधबार पूर्वराष्ट्रपति डा. रामवरण यादवले गर्नेछन् भने उद्घाटन समारोहको प्रमुख वक्ताका रूपमा सांसद विनोद चौधरीलाई बोलाइएको छ । साहित्य महोत्सवमा १५ वटा सत्रमा ४५ जना वक्ता सहभागी हुने महोत्सवका निर्देशक पाठकले जानकारी दिए । महोत्सवको औपचारिक सत्र ‘जानकी मन्थन’ शीर्षकबाट हुनेछ । यस सत्रमा कांग्रेसका नेता प्रदीप गिरी, राजनीतिक विश्लेषक सीके लाल, मैथिलीका वरिष्ठ साहित्यकार डा. राजेन्द्र विमल, भारतीय साहित्यकार डा. आशा प्रभाले आ–आफ्नो विचार राख्नेछन् । बुधबारदेखि शनिबारसम्म चल्ने महोत्सवमा सामाजिक, सांस्कृतिक, साहित्यिक, राजनीतिक विषयका विज्ञहरूले विभिन्न सत्रमा प्रस्तुति दिने वताइएको छ । जनकपुरधाममा मंगलवार पत्रकार सम्मेलन गरी महोत्सवको तयारी पुरा भएको जानकारी गराइएको थियो ।
यो विषयमा आफ्नो प्रतिक्रिया दिनुहोस्!