२०७९ बैशाख २९, बिहीबार ११:३०

नेपाल सुनचाँदी व्यवसायी महासंघले आज स्थानीय बजारमा सुनको मूल्य बढेको जानकारी दिएको छ । आजको कारोबार मूल्य तोक्दै सुनको भाउ प्रतितोला ८०० रुपैयाँले बढेको महासंघले जानकारी दिएको हो । मूल्य बढेसँगै आज छापावाल सुनको मूल्य तोलामा ९७ हजार ८०० रुपैयाँ कायम भएको छ । यस्तै, तेजाबी सुनको मूल्य प्रतितोला ९७ हजार ३०० रुपैयाँ छ । हिजो बुधबार छापावाल सुनको मूल्य तोलामा ९७ हजार रुपैयाँ र तेजाबी सुनको मूल्य ९६ हजार ५०० रुपैयाँ थियो ।

आज चाँदीको मूल्य तोलामा ५ रुपैयाँले बढेपनि समग्रमा वैशाख ५ गतेयता चाँदीको मूल्य घटेको छ । वैशाख ५ गते तोलामा १४ सय २० रुपैयाँ रहेको चाँदीको मूल्य आज तोलामा १२ सय ८५ रुपैयाँ छ । हिजो यसको मूल्य तोलामा १२ सय ८० रुपैयाँ थियो ।

Comment

Related News