जनकपुर टुडे

२०८१ कार्तिक २१, बुधबार ०७:५१

जनकपुरधाममा केही महिनादेखि मोटरसाइकलसहितका चोरीको घटनामा वृद्धि भएको छ ।

धनुषा प्रहरीले विभिन्न वारदातका आरोपीहरुलाई पक्राउ गरिए पनि मोटरसाइकललगायतका चोरीको घटनामा कमी आउन सकेको छैन । सर्वसाधारण चाडपर्वमा व्यस्त रहँदा घरहरु सुनसान रहने गरेकाले जनकपुरधाम उपमहनगरमा मोटरसाइकलसहितका विभिन्न चोरीका घटनामा वृद्धि भएको छ ।

सोमबार साँझ ७ः३० बजे सेन्ट्रल इन्जिनियरिङ कलेजको पछाडिबाट ज ११ प ७२७१ नम्बर रहेको रातो कलरको एपाची मोटरसाइकल चोरी भएको एक पीडितले जनाएको छ । चोरी भएको केही समयमै प्रहरीलाई जानकारी गराइए पनि सो मोटरसाइकलसहित चोर भने फरार भएका छन् । रातभरदेखि खोजीकार्य जारी रहेको बताइए पनि धनुषा प्रहरीले सो मोटरसाइकल फेला पार्न सकेको छैन ।

मोटरसाइकल चोरी भएको भन्दै मंगलबार पीडित शशीभुषण चौधरीले जिल्ला प्रहरी कार्यालय धनुषामा उजुर ीसमेत दर्ता गराएका छन् । यता धनुषा प्रहरीले चोरी मोटरसाइकलको व्यापक रुपमा खोजतलास जारी रहेको जनाएको छ ।