२०८१ मंसिर १७, सोमबार ०८:४०
सप्तरीको सप्तरीको डाक्नेश्वरी नगरपालिका वडा नम्बर १ र वडा नम्बर ४ मा भएको मतदानमा उपेन्द्र यादव नेतृत्वको जनता समाजवादी पार्टी (जसपा) नेपालका उम्मेदवार विजयी भएका छन् ।
वडा नम्बर १ मा धिरेन्द्र कुमार साह ६ सय ५२ मत प्राप्त गरी विजयी भएका हुन् । उनका निकटतम प्रतिद्वन्द्वी कांग्रेसकी भुलियादेवी थरुनीले ५ सय ८७ मत प्राप्त गरिन् ।
यस्तै, वडा नम्बर ४ मा देवेन्द्र प्रसाद यादव विजयी भए । दोस्रो स्थानमा रहेका नेपाली कांग्रेसका जोगिन्द्र राय अमातले दुई सय ७७ मत प्राप्त गरे ।
२०७९ सालमा भएको निर्वाचनमा यी दुवै वडामा काङ्ग्रेसले जितेको थियो।
