२०८१ चैत्र ३, आईतवार १५:४८
महोत्तरीको बलवास्थित शिवशान्ति ज्वेलर्समा चोरी भएको छ ।
शनिबार राति बलवा नगरपालिका–३ परौल बजारमा रहेको विशशान्ति ज्वेलर्सको ताल्चा फोडेर चोरहरुको समूहले गरगहनासंगै पसलमा राखिएको लकर चोरेको जिल्ला प्रहरी कार्यालय महोत्तरीले जनाएको छ ।
जीप चढेर आएका चोरहरूको समूहले लुटपाट गरी बर्दिबासतर्फ भागेको सीसीटीभी फुटेजमा देखिएको छ । चोरी भएको गहनाको परिमाण र मूल्य यकिन हुने काम भइरहेको महोत्तरी प्रहरीले जनाएको छ ।
शिवशान्ति ज्वेलर्सका सञ्चालक अरुण कुमार साहका अनुसार ५ जनाको समूहमा आएका चोरहरूले पसलमा रहेको २० तोला सुन, १ लाख ५० हजार नगद, पसलमा राखिएको भोल्ट (लकर), क्यामराको हार्डडिस्क चोरी गरेर लगेको छ ।
सुन पसलमा लागेको क्याम्राको हार्डडिस्क चोरहरूले लगेपछि नजिकै रहेको अन्य क्यामरामा चोरी गर्न प्रयोग भएको जीप र चोरीमा संलग्नहरूको भिडियो कैद भएको छ ।
पसलमा राति नै चोरी भएपनि आइतबार बिहान ९ बजेमात्रै थाहा भएको सञ्चालक साहले बताए ।
