२०८१ चैत्र ११, सोमबार ०७:२६
नेपालका लागि भारतीय राजदूतावास र वीरगञ्जस्थित भारतीय महावाणिज्यदूतावासको संयूक्त आयोजनामा मयुरभाँज छाउँ नृत्य प्रदर्शन गरिएको छ ।
जनकपुरधाम आइतबार नेपाल–भारतलाई धार्मिक, सांस्कृतिक तथा पर्यटकीय रुपमा जोड्नका लागि आयोजना गरिएको सो नृत्य कार्यक्रममा मुख्यमन्त्री सतीशकुमार सिंहले नेपाल र भारतको सम्बन्धलाई चाहेर पनि कसैले तोड्न नसक्ने धारणा राखे ।
सो कार्यक्रममा मधेश प्रदेशका सभामुख रामचन्द्र मण्डलले भूगोल र सम्बन्धका कारण पनि नेपाल र भारतको मौलिकता आफ्नै किसिमको रहेको बताए । उनले नेपाल–भारतको सम्बन्धको लाभ मधेश प्रदेशले उठाउन सक्नुपर्ने बताए । सो कार्यक्रममा नेपाल तथा भारतको सम्बन्धलाई थप प्रगाढ बनाउनका लागि दुबै देशको सांस्कृतिक झल्किने गरी नृत्य प्रस्तुत गरिएको थियो ।
जनकपुरधाममा सम्पन्न उक्त कार्याक्रममा मधेश प्रदेशका सांसद, मन्त्री, जनकपुरधाम उपमहानगरपालिकाका मेयर र अन्य सरकारी निकायका पदाधिकारीहरुको उपस्थिती रहेको थियो ।
