२०८२ असार ३०, सोमबार १३:३३
जनकपुरधाम उपमहानगरपालिकाले आव २०८२/०८३का लागि ३ अर्ब १ करोड ९ हजार ४ सय ६३ रुपैयाँको बजेट ल्याएको छ ।
उपमहानगरको १३औँ नगरसभाबाट सोमबार प्रस्तुत गरिएको बजेटमा चालु तर्फ १ अर्ब ६० करोड ११ लाख ३८ हजार ४ सय ६३, पुजिगत तर्फ १ अर्ब ४० करोड ८८ लाख ७१ हजार र सामाजिक सुरक्षा भत्ता तर्फ ५० करोड रकम बजेट विनियोजन गरिएको छ ।
आव २०८१/०८२मा उपमहानगरले चालु तर्फ ८० प्रतिशत, पुजिगत तर्फ ८५ प्रतिशत र ७१ प्रतिशत वित्तिय प्रगति भएको जनाइएको छ ।
आगामी आवको बजेट शिक्षा, स्वास्थ्य, रोजगारी सिर्जना, गरिबी न्युनीकरण, ग्रामीण विद्युतिकरण, हरित शहर लगायतका योजनालाई केन्द्रमा राखेर बजेट ल्याइएको उपमहानगरका उपप्रमुख किशोरी साहले बताए ।
