२०८२ कार्तिक १९, बुधबार ०४:००
बाराको सुवर्ण गाउँपालिकाका एक जनप्रतिनिधिमाथि एक महिलाले आफ्नो रकम लुटपाट गरेको आरोप लगाएका छन् ।
सुवर्ण गाउँपालिका–६ स्थित मुसहर्नाका ओजिर मिया कुजडा र उनकी श्रीमती मेरातुन नेशाले गाउँपालिका–८ का वडा अध्यक्ष सैबुल्लाह मिया कुजडामाथि यस्तो आरोप लगाएका हुन् ।
पीडित मेरातुनका अनुसार वडा अध्यक्ष कुजडाले उनलाई मुक्काले प्रहार गर्दै जमीनमा लडाएपछि सारिमा बाँधिएको नगद च्यातेर लुटी फरार भएका हुन् । घटनापछि घाइते अवस्थामा रहेका ओजिर मियाले कलैया प्रादेशिक अस्पतालमा उपचार गराइरहेका छन् ।
अस्पतालमा पत्रकारहरूसँग कुरा गर्दै उनीहरूले वडा अध्यक्षमाथि लुटपाटको आरोप लगाए । मेरातुन खातुनका अनुसार वडा अध्यक्षले उनको छोरालाई पनि छातीमा प्रहार गर्दा केही समयका लागि अचेत भएका थिए । उनले प्रहरी प्रशासनसंग न्याय दिलाउन माग गरिन् । कलैयातर्फ जाँदै गर्दा मझरिया पानी ट्यांकी नजिक भएको बताइएको छ।
पीडित दम्पतीका अनुसार वडा अध्यक्ष कुजडा तीनवटा मोटरसाइकलमा आएका करिब ६ जनाको समूहसहित आएको र उनीहरूले पैसा लुटेर फरार भएको आरोप छ ।
