२०८२ मंसिर १, सोमबार १६:५८
राष्ट्र, राष्ट्रियता, धर्म–संस्कृति र नागरिक बचाउ अभियानका संयोजक दुर्गा प्रसाईंले आफुहरुले घोषणा गरेको आन्दोलन नरोकिने बताउनुभएको छ ।
सोमबार आफ्नै निवास भक्तपुरमा सञ्चारकर्मीसंग कुरा गर्दै प्रसाईंले आफुहरुको मागका बारेमा सरकारलाई जानकारी गराउदा समेत कुनै चासो नदेखिएको भन्दै पूर्वघोषित आन्दोलन नरोकिने बताउनुभएको हो ।
उहाले शान्तिपूर्ण आन्दोलन गर्न पाउने सवैको अधिकार भएकाले आफुहरुको आन्दोलनलाई कसैले रोक्न नसक्ने धारणा राख्नुभयो ।
त्यस्तै प्रसाईंले जेनजीले उठाएका मुद्दामा भन्दा वर्तमान सरकारको ध्यान निर्वाचनमा मात्रै केन्द्रीत भएको भन्दै आपत्ति जनाउनुभयो ।
उहाले आफुहरुले अघि सारेका एजेण्डाका बारेमा जनमत संग्रह गर्नुपर्ने बताउनुभयो । जनमत संग्रहमा नगए आफुहरुको आन्दोलन निरन्तर अघि बढ्ने उहाको भनाइ छ ।
