२०८२ मंसिर १२, बिहिवार १७:२६

उच्च अदालत पाटनले पूर्व सभामुख कृष्णबहादुर महरालाई भेपमार्फत सुन तस्करी गरेको प्रकरणमा २० लाख धरौटीमा छाड्न आदेश दिएको छ।

बिहीबार न्यायाधीशहरू अर्जुनप्रसाद कोइराला र तेजेन्द्रप्रसाद शर्मा सापकोटाको इजलासले २० लाख रुपैयाँ धरौटीमा छाड्न आदेश दिएको हो।

‘तत्काल प्रमाणहरूको आधारमा प्रतिवादीलाई थुनामा नै राखेर मुद्दाको पुर्पक्ष गर्नुपर्ने सम्मको अवस्था नदेखिएको अवस्थामा तहाँ अदालतबाट थुनामा राख्ने गरी भएको असोज २९ गतेको आदेश मिलेको नदेखिँदा बदर गरिदिएको छ,’ आदेशमा भनिएको छ।

केन्द्रीय अनुसन्धान ब्युरो (सिआइबी)ले भेपमार्फत सुन तस्करी प्रकरणमा सुरूमा मुद्दा चलाएको थिएन। तर पछिल्लो समय जिल्ला अदालत काठमाडौंमा मुद्दा दायर गरेको थियो। जिल्ला अदालतले महरालाई पुर्पक्षका लागि थुनामा पठाउन आदेश दिएको थियो।

महराले त्रिभुवन अन्तर्राष्ट्रिय विमानस्थल भन्सार कार्यालयका प्रमुख प्रशासक अरूण पोखरेललाई फोन गरेको, बयान, महराका छोराले गरेको बयान, अरूण पोखरेलले गरेको कागज समेतका आधारमा महरालाई अहिले नै कसुरदार होइन भन्न नमिल्ने उल्लेख गरेको थियो।

उनलाई ८ करोड ५५ लाख २८ हजार ३७४ रूपैयाँ बिगो र ३ वर्षभन्दा बढी कैद सजाय माग गरिएको थियो।

जिल्ला अदालत काठमाडौंको आदेशविरूद्ध महरा उच्च अदालत पाटनमा पुगेका थिए।

२०७९ पुस १० गते फ्लाई दुबईबाट आएका चिनियाँ नागरिक ली हानसङले लगेजमा ठूलो संख्यामा भेप ल्याएका थिए। त्यसमा ९ किलो सुन थियो। त्यो सुन विमानस्थलकै भन्सारबाट चोरी भएपछि मात्र सुन तस्करीबारे खुलेको थियो।

Comment

Latest News

मौसम अपडेट : आज सातवटै प्रदेशमा भारी वर्षा

मृतक व्यक्ति ६ महिनापछि घरफर्केपछि मच्चियो हलचल

अन्तिम समयसम्म विश्वासका लागि प्रयास गर्ने : मुख्यमन्त्री यादव

मधेश प्रदेशमा ९ अर्ब सहुलियतपूर्ण कर्जा लगानी

गोलबजार नगरपालिकाबाटै करदाता सेवा शुरु

चुनावी हारपछि मधेश केन्द्रित दल मोर्चाबन्दीमा : साख जोगाउन संगठन सुदृढीकरण र आन्तरिक कलह व्यवस्थापनको चुनौती

Trending News

नेपाल टेलिकमका निलम्बित प्रबन्ध निर्देशक पौडेलविरुद्ध फेरि अर्को भ्रष्टाचार मुद्दा

सलमानको घरबाहिर गोली चलाएको प्रकरणमा पक्राउ युवकले गरे आत्महत्या

सलमान खानको निवासबाहिर हवाई फायरिङ गर्नेको तस्विर सार्बजनिक

आज देशभरका फिल्म हल बन्द

वरिष्ठ शास्त्रीय गायक गुरुदेव कामत अस्वस्थ्य

पूर्व सभामुख कृष्णबहादुर महरालाई २० लाख धरौटीमा छाड्न आदेश

Comment

Related News

Latest News

Trending News