![](https://ejanakpurtoday.com/wp-content/uploads/2020/05/95667088_2516861901962045_1771271223272013824_n.jpg)
![](https://i0.wp.com/ejanakpurtoday.com/wp-content/uploads/2020/05/95667088_2516861901962045_1771271223272013824_n.jpg?resize=939%2C414&ssl=1)
जनकपुरधाम । अनली फर प्रोजेक्ट उल्लेख गरिएको सिमेन्ट महँगोमा बिक्री गरेको पाइएपछि सिरहाका एक सिमेन्ट पसलमा सिल गरिएको छ ।
मिर्चेया बजारस्थित भाग्य विधाता आयरण स्टोरले अनली फर प्रोजेक्ट लेखिएको मारुती सिमेन्ट बिक्री गरेको पाइएपछि उक्त पसलमा सिल गर्दै त्यसका मालिक राजकुमार मगरलाई नियन्त्रणमा लिएको सिरहा प्रहरीले जनाएको छ ।
लक डाउनको समयमा अटो रिक्सामा १० बोरा सिमेन्ट लोड गरी लग्दै गर्दा प्रहरीले रोकेको थियो । त्यसपछि सिमेन्ट लग्ने टिकाराम पोखरेलसँग सोधपुछ गर्दा उनले रु ७ सय ६० पर्ने सिमेन्ट रु ८ सयमा मगरको पसलबाट खरीद गरेको बताएका थिए ।
यसपछि इलाका प्रहरी कार्यालय मिर्चेयाबाट पुगेको प्रहरी टोलीले मगरको पसलमा ३ सय ४० बोरा उक्त सिमेन्ट फेला पार्दै उनलाई नियन्त्रणमा लिएको सिरहा प्रहरीका प्रबक्ता एवं डिएसपी बिनिोद घिमिरेले बताए ।