२०८३ कार्तिक १८, बुधवार १८:५१
नवनियुक्त प्रहरी महानिरीक्षक (आईजीपी) मनोज केसीलाई दज्र्यानी चिन्ह प्रदान गरिएको छ ।
बुधबार गृहमन्त्रालयमा आयोजित एक कार्यक्रमकाबीच गृहमन्त्री सुधन गुरुङले नवनियुक्त प्रहरी महानिरीक्षक केसीलाई दज्र्यानी चिन्ह प्रदान गर्नुभएको हो । बुधबार नै बसेको मन्त्रिपरिषद् बैठकले दान बहादुर कार्कीलाई पदमुक्त गर्दै केसीलाई आईजीपी नियुक्त गर्ने निर्णय गरेको थियो ।
दज्र्यानी चिन्ह प्रदान गर्दै गृहमन्त्री सुधन गुरुङले शान्ति सुरक्षा, अपराध नियन्त्रण, विपद् व्यवस्थापन र नागरिक सेवाका क्षेत्रमा प्रभावकारी रूपमा काम गर्न निर्देशन दिनुभयो । उहाले प्रहरी संगठनले नागरिकसँग कसरी नजिक हुनुपर्छ र नागरिकप्रति कसरी सम्मानित व्यवहार गर्नुपर्छ भन्ने कुरामा विशेष ध्यान दिन सुझाव दिनुभयो । उहाले
डिजिटल रूपान्तरण, साइबर ठगी, अनलाइन वित्तीय अपराध, क्रिप्टो कारोबार, डिप फेक, संगठित अपराध, र लागुऔषध बेचविखन जस्ता नयाँ चुनौतीहरूप्रति सचेत रहनुपर्ने उल्लेख गर्नुभयो । फिल्डमा खटिने सवै प्रहरीको मनोबल उच्च राख्ने गरि काम गर्न पनि उहाले निर्देशन दिनुभयो ।
त्यस्तै दज्र्यानी चिन्ह ग्रहण गर्दै नवनियुक्त महानिरिक्षक केसीले संविधान र कानुनप्रति अविचलित रहदै नागरिकको सुरक्षा र सम्मानलाई सर्वोपरी राख्दै संगठनको मर्यादा र निष्पक्षतामा कुनै सम्झौता नगर्ने धारणा राख्नुभयो । उहालेआधारभूत तह लगायत सम्पूर्ण प्रहरी कर्मचारीहरूको गुनासो सुन्ने संयन्त्र तत्काल सुरु गर्ने बताउनुभयो ।
साथै सरकारसंग आवश्यक स्रोत साधन, कानुनी स्पष्टता, कार्यगत स्वायत्तता, राजनीतिक दलहरूसँग प्रहरीलाई दलीय प्रभावबाट मुक्त राख्नका लागि सहयोगको आग्रह गर्नुभयो ।
