२०७८ जेष्ठ १६, आईतवार ०८:१२
निषेधाज्ञाको मौका छोपि बडहडी खोलाबाट अवैध रुपमा बालुवागिट्टी उत्खन्न गर्ने दुई जेसिबिलाई प्रहरीले नियन्त्रणको लिएको छ ।
धनुषाको बटेश्वर गाउँपालिका क्षेत्रमा पर्ने बडहडी खोलाको किनारमा अवैध गिट्टीबालुवा उत्खनन गर्ने दुईवटा जेसिबीलाई ईलाका प्रहरी कार्यालय महेन्द्रनगरले शुक्रवार साँझ नियन्त्रणमा लिएको छ । दुईवटै जेसिबी कारबाहीको लागि अहिले बटेश्वर प्रहरीचोकीमा राखिएको छ । यसरी लकडाउनको समयमा बडहडी खोलामा मात्र नभई धनुषाका विभिन्न रातु,औरही लगायतका खोलामा दैनिक रुपमा बालुवा गिट्टीको अवैध रुपमा उत्खन्न हुदै आएको छ । क्रसर तथा वालुवा प्रशोधन उद्योगहरुले खोलानादीबाट अवैध रुपमा बालुवा तथा गिट्टी उत्खनन् गर्दै आएको गुनासोका सामु निरिह तीनै तहको सरकार निरिह सावित भएका छन् । राजनीतिक दलका नेता कार्यकर्तादेखि ठुलठुला ठेकेदार हरुले विना दर्ता तथा नविकरण नै नगराई लामो समयदेखि ती उद्योग सञ्चालनमा गरिरहेपनि सम्बन्धित निकायले प्रभावकारी कमद चाल्न सकेका छैनन् । २०७६ वैशाखमा जिल्ला समन्वय समिति धनुषाले अनुगन गर्दा धनुषाका अधिकांश क्रसर उद्योग र वालुवा प्रशोधन उद्योग मापदण्ड विपरित सञ्चालनमा रहेको पाईयो । तर पनि ती उद्योगहरु अझै जस्ताको त्यस्तै सञ्चालन भईरहेको छ ।
अनुगमनका क्रममा स्काईभेटर, टयाक्टर र टिपरसहित ४ जनालाई नियन्त्रणमा पनि लिइयो । तर समान्य जुरवना गरि ती सवारीसाधनहरु जिल्ला समन्वय समितिले छोडिदियो । यस सम्बन्धमा जिल्ला समन्वय समिति धनुषाका उपसभापति दिपक झाले नयाँ ऐन कानुनको अभावमा अवैध वालुवा गिट्टी उत्खन्न कार्य रोक्न नसकिएको बताए । हामीले ५ देखि ७ पटकसम्म अनुगमन गरियौ, उनले भने,‘ तत्काल ति अवैध कार्य रोकिन्छ । तर स्थानीय तह र स्थानीय प्रहरी प्रशासनको सहयोगमा राती राती अवैध उत्खन्नको कार्य हुन्छ ।’
