२०७८ श्रावण ४, सोमबार ०७:५२
नेकपा एमालेको केन्द्रीय कमिटी बैठक आज बस्दै छ ।
अध्यक्ष केपी शर्मा ओलीको आह्वानमा पार्टीको केन्द्रीय कमिटीको बैठक बस्न लागेको हो । केन्द्रीय कमिटीको १४औँ बैठक आज बिहान ११ बजेका लागि डाकिएको पार्टी केन्द्रीय कार्यालयका सचिव शेरबहादुर तामाङले जानकारी दिनुभयो । बैठक च्यासलस्थित तुल्सीलाल स्मृति प्रतिष्ठानको भवनमा बस्ने गरी बोलाइएको छ ।
आइतवार संसदमा फ्लोर क्रस गरी २२ सांसदले प्रधानमन्त्री शेरबहादुर देउवालाई विश्वासको मत दिएपछि केन्द्रीय कमिटीको बैठक बस्न लागेको हो । बैठकमा आइतबार संसदमा देखिएको घट्ना र पार्टीभित्रको अन्तरविरोध लगायतका विषयमा छलफल हुने बताइएको छ । आजको बैठकमा खनाल–नेपाल पक्ष सहभागी हुने नहुनेबारे आधिकारिक धारणा आइसकेको छैन । तर ओलीले एकपक्षीय रुपमा बोलाइएको कुनै बैठकमा सहभागी नहुने खनाल–नेपाल पक्षले यसअघि नै प्रष्ट पारिसकेको छ ।
