२०७८ पुष ४, आईतवार १२:४४
सिरहा । छुरा प्रहार गरी ज्यान लिएको घटनाको विरोधमा सिरहाको गोलबजारमा विहान ८ बजदेखि नै अवरुद्ध पारिएको पूर्वपश्चिम राजमार्ग सञ्चालनमा आएको छ ।
पीडितलाई क्षतिपूर्तिको पहल गर्ने, घाईतेको निःशुल्क उपचार गर्ने र घटनामा संलग्नलाई पक्राउ गर्ने सहमती प्रशासनले आन्दोलनकारीसँग गरेपछि राजमार्ग खुलेको हो । राजमार्ग खुलेपछि अलपत्र परेका सवारी र यात्रुहरु गन्तव्यतर्फ लागेका छन् ।
शनिवार साँझ गोलबजार नगरपालिका ६ डोहटियाका २६ वर्षीय रामकुमार सदाय र १९ वर्षीय निकेश सदायमाथि छुरा प्रहार भएको थियो । रामकुमारको मृत्यू भएको छ भने निकेशको उपचार धनगढीको आरके मेडिसिटी अस्पतालमा भइरहेको छ ।
घटनामा संलग्नलाई प्रहरीले पक्राउ नगरेको भन्दै आक्रोसित डोहटियाबासी आन्दोलित बनेका थिए । उनीहरुले टायर बालेर राजमार्ग र बजार अवरुद्ध पारेका थिए । प्रशासनले सहमती गरेपछि झण्डै चार घण्टापछि राजमार्ग र बजार खुलेको छ ।
