२०७८ फाल्गुन १२, बिहीबार १३:३५
सप्तरीबाट ब्राउन सुगरसहित दुई जना पक्राउ परेका छन् ।जिल्लाको सप्तकोसी नगरपालिका–२ सखुवनीस्थित कञ्चनपुर फत्तेपुर आवतजावत गर्ने सडकखण्डबाट दुबैजनालाई पक्राउ गरिएको छ।
पक्राउ पर्नेमा उदयपुरको त्रियुगा नगरपालिका–१३ लक्ष्मीपुरका २६ वर्षीय सुमित चौधरी र चौदण्डी नगरपालिका–८ हडियाका ३४ वर्षीय विद्यानन्द चौधरी रहेको जिल्ला प्रहरी कार्यालय सप्तरीका प्रहरी प्रवक्ता प्रहरी नायब उपरीक्षक माधवप्रसाद काफ्लेले जानकारी दिए।
कञ्चनपुरबाट फत्तेपुरतर्फ आउँदै गरेको प्रदेश १–०५–००१ प ४५९३ नम्बरको मोटरसाइकललाई चेकजाँच गर्दा तिनीहरुको साथबाट लागुऔषध ब्राउन सुगर ६ ग्राम फेला परेको प्रवक्ता काफ्लेले बताए।
