२०७९ जेष्ठ १३, शुक्रबार १३:४९
सरकारले चौतर्फी आलोचना पछि पेट्रोलिमय पदार्थको पूर्वाधार र भन्सार शुल्क घटाउने तयारी गरेको छ । सरकारले पूर्वाधार र भन्सार शुल्क घटाउन अर्थ मन्त्रालयलाई सैद्धान्तिक सहमति दिएको छ।
१० जेठमा बसेको बैठकले अर्थ मन्त्रालयलाई पेट्रोलियम पदार्थको भन्सार बिन्दुमै लाग्ने २ शिर्षकको कर हटाउन सैद्धान्तिक सहमति दिएको हो। तर, कुन शिर्षकको कर कति घटाउने भन्ने निर्णय भने भइसकेको छैन।
‘वाणिज्य मन्त्रालयको प्रस्तावमा भन्सार र पूर्वाधार कर ५–५ रुपैयाँ घटाउन मन्त्रिपरिषद्ले सैद्धान्तिक स्वीकृति दिने निर्णय गरेको हो । तर, यो अहिल्यै निर्णय भइसकेको छैन। मन्त्रालयले अहिले कुन शिर्षकमा कसरी मूल्य घटाउने भन्नेबारे छलफल गरिरहेको जनाएको छ ।
बुढीगण्डकी जलविद्युत परियोजना बनाउन उठाइएको पूर्वाधार करबाट ५ रुपैयाँ र भन्सारमा लाग्ने भन्सार शुल्कबाट ५ रुपैयाँ घटाउने गरी गृहकार्य भइरहेको मन्त्रालयले जनाएको छ।
अहिले पेट्रोल प्रतिलिटरमा भन्सार शुल्क २५ रुपैयाँ २३ पैसा र पूर्वाधार शुल्ककबापत थप १० रुपैयाँ भन्सार बिन्दुमै उठाइन्छ। यस्तै डिजेलमा १२ रुपैयाँ २ पैसा भन्सार शुल्क र पूर्वाधर बापत १० रुपैयाँ सरकारले संकलन गर्दै आएका छन्।
please subscribe our official youtube channel below and support us.
https://www.youtube.com/watch?v=O9G8Yeo_V04
