नेपालमा डेंगी बिरामीको संख्या ४० हजार नाघेको छ ।
गत साउन १ गतेयता हालसम्म उक्त सङ्ख्यामा डेंगुका बिरामी भेटिएको स्वास्थ्य तथा जनसंख्या मन्त्रालयले जनाएको हो । पछिल्लो चौबीस घण्टामा १ हजार १११ जना डेँगीका बिरामी थपिएपछि कुल संख्या ४० हजार नाघेको हो । योसँगै नेपालमा कुल डेंगी बिरामीको संख्या ४० हजार २९ पुगेको छ ।
पछिल्लो २४ घण्टामा डेँगीका कारण एक जनाको मृत्यु भएको छ । योसँगै हालसम्म डेँगीका कारण ४८ जनाको मृत्यु भएको मन्त्रालयले जनाएको छ । मन्त्रालयका अनुसार देशका ७७ जिल्लामा डेँगीका बिरामी भेटिएका छन् ।