२०८० असार २८, बिहीबार ०७:३५
नेपाललाई ब्रिटिस साम्राज्यको अंग देखाउने तथा पूर्वप्रधानमन्त्री केपी शर्मा ओलीको जन्मस्थान नेपालको नक्साबाट गायव गर्ने एमाले नेतृ रेखा झालाई कारबाही गर्न माग गरिएको छ ।
राष्ट्रिय एकता अभियानले पूर्वसांसद तथा नेकपा(एमाले)की नेत्रृ रेखा झाद्धारा नेपाललाई ब्रिटिस साम्राज्यको अंग देखाउने राष्ट्रघाती कार्य गरेको भन्दै घोर भत्र्सना गरेको छ। राष्ट्रिय एकता अभियानले झाले आफ्नो आधिकारिक फेसबुक खाताबाट नेपाललाई ब्रिटिश साम्राज्यको हिस्साको रूपमा झुटो चित्रण गर्न साझा गरेको नक्सालाई तुरुन्तै हटाइ माफी माग्न पनि अनुरोध गरेको छ ।
सन् १७९२ मा लर्ड कर्नवालिसको पालामा नेपाल ब्रिटिस साम्राज्यको एक हिस्सा रहेको देखाउने एमाले पूर्वसांसद झाद्वारा साझा गरिएको नक्सा ऐतिहासिक तथ्यको नियोजित तोडमरोड भएको बताइएको छ। ’साथै, त्यस नक्सामार्फत पूर्वप्रधानमन्त्री केपी शर्मा ओलीकै पुख्र्योली बसोवास रहेको ‘कोशी क्षेत्र’ नै नेपालको भाग नरहेको प्रस्तुत गरी देशको सिमाना नै विगार्ने प्रयत्न गरिएको हो हाम्रो ठहर छ,’ अभियानका केन्द्रीय संयोजक विनय यादवले जारी गरेको विज्ञप्तिमा भनिएको छ, ’यस्ता भ्रामक राष्ट्रघाती कार्यहरूले हाम्रो इतिहासलाई धोका दिने मात्र होइन, ओलीज्युको राष्ट्रिय अखण्डताप्रतिको अटल अडानलाई समेत कमजोर तुत्याउँछ ।’ हामी पूर्व माननीय झासँग उनको देशद्रोही कार्यको लागि तुरुन्त माफी मागी नेपालको गौरवशाली इतिहासलाई कलंकित गर्ने कार्य कुन शक्तिको इशारा गरेको हो भन्ने प्रष्ट पार्न आग्रह राष्ट्रिय एकता अभियानले गरेको छ। यो विषयलाई गम्भीरतापूर्वक लिएर झामाथि कारबाही गर्न पनि पूर्वप्रधानमन्त्री तथा नेकपा (एमाले)का अध्यक्ष ओलीलाई आग्रह गरिएको छ।
राष्ट्रिय एकता अभियान नेपालको सम्पदा, इतिहास र सार्वभौमसत्ता जोगाउन प्रतिबद्ध भएको र राष्ट्रको इतिहासलाई विकृति गर्ने कुनै पनि प्रयासलाई पर्दाफास गर्न र चुनौती दिन हाम्रो अभियान जारी राख्ने पनि विज्ञप्तिमा उल्लेख छ ।
