२०८१ जेष्ठ ३, बिहीबार ११:४१
सुनको मूल्यमा नयाँ रेकर्ड बनेको छ।
नेपाल सुनचाँदी व्यवसायी महासंघले बिहीबारका लागि निकालेको मूल्य सूचीअनुसार छापावाला सुनको मूल्य प्रतितोला १ लाख ४० हजार रुपैयाँ तय गरिएको छ।
यो मूल्य अघिल्लो दिनको तुलनामा १ हजार ६ सय रूपैयाँ बढी हो।
स्थानीय बजारमा सुनको मूल्य अहिलेसम्म एक लाख ४० हजार पुगेको थिएन। अन्तर्राष्ट्रिय बजारमा मूल्य बढेसँगै नेपाली बजारमा पनि प्रभाव परेको महासंघले जनाएको छ ।
गत वैशाख ९ गते सुनको मूल्य अहिलेसम्मकै धेरै एक लाख ३९ हजार तीन सय पुगेको थियो। आज यो रेकर्ड तोडिएको हो।
