जनकपुर टुडे

२०८१ जेष्ठ ३०, बुधबार ०९:०३

मिटर ब्याज पीडितसँग पैसा उठाएको आरोपमा रौतहट प्रहरीले एक जनालाई नियन्त्रणमा लिएको छ ।

पक्राउ पर्नेमा देवाही गोनाही नगरपालिका  ७ घर भएका भरोसी साह रहेका छन्। उनलाई पीडित संग पैसा लिइरहेकै अवस्थामा नियन्त्रणमा लिएको जिल्ला प्रहरी  प्रवक्ता एवं डीएसपी एलिजा गिरीले बताइन् ।

आरोपी साहले सीडीओ र अन्य कर्मचारीलाई दिनुपर्छ भन्दै पीडितसँग ५० हजार रुपैयाँ माग गरेको थिए ।  पैसा लिइरहेको सूचनाको आधारमा नियन्त्रणमा लिएर  अनुसन्धान गरी पीडितको पैसा फिर्ता गराएर आरोपी भरोसीमाथि ठगी सम्बन्धी कसुर अन्तर्गत मुद्दा दर्ता गरिएको गिरीले जानकारी दिइन् ।

मिटरब्याज पीडितलाई   जिल्ला प्रशासन कार्यालयमा मुद्दा दर्ता गराइदिन्छु भन्दै सो बापत ५० हजार लिइरहेकै  अवस्थामा जिल्ला प्रहरी कार्यालयबाट खटिएको प्रहरी टोलीले उनलाई नियन्त्रणमा लिएको प्रहरीको सूचनामा उल्लेख गरिएको छ।