सरु लामा
धनुषा,कार्तिक २७ गते। जैविक खेतीलाई प्रबद्र्धन गर्दै आएको धनुषाको मिथिला नगरपालिका वडा नं. १० लालगढ स्थित सेवा निवृत्त कर्मचारी कृषि सहकारी संस्थालाई नर्सरी सामाग्री हस्तानान्तरण गरिएको छ ।
हरित गृह (टनेल) मार्फत जैविक खेती गर्दै आएका कृषकहरुलाई प्रोत्साहित गर्ने उदेश्यले यूएनडीपीको सहयोगमा बुधवार संस्थालाई नर्सरी सामाग्री हस्तानान्तरण गरिएको हो । कार्यक्रमका प्रमुख अतिथि प्रदेश नं. २ का निती आयोगका उपाध्यक्ष डा. भोगेन्द्र झाले सो सामाग्री संस्थाका अध्यक्ष टेकबहादुर पौडेललाई हस्तानान्तरण गर्नु भएको थियो ।
कार्यक्रममा बोल्दै डा. झाले जैविक खेती आजको मुख्य आवश्यकता रहेकोमा जोड दिनुभयो । उहाँले कृषीमूलक वस्तुहरुको उत्पादन बढाउन तथा जैविक खेतीको प्रबद्र्धनका लागि यूवापुस्तालाई सहकारी मार्फत जोडनु पर्ने बताउनुभयो । कृषि क्रान्तिका लागि यूवाशक्तिलाई स्वदेशमै रोजगार गर्ने वातावरणको निर्माणमा सबै पक्षबाट पहल हुनु पर्ने उहाँको धारणा थियो ।
त्यस्तै सामाजिक अभियन्ता तथा प्रदेश सभा सदस्य रामअशिष यादवले विषादीका कारण माटोको उर्वराशक्ति नष्ट हुनुका साथै अधिकांश मानिस अस्वस्थ भइरहेको अवस्थामा यसलाई समयमै रोक्न जैविक खेती आवश्यक रहेकोमा जोड दिनुभयो । जैविक खेतीको लागि आर्गेनिक टनेलको ज्ञान र सीप हरेक किसानसम्म पु¥याउन उहाँले सरोकारवालाहरुलाई आग्रह गर्नुभयो ।
वडाध्यक्ष सविन विक्रम थापाको अध्यक्षतामा भएको कार्यक्रममा संस्थाका सल्लाहकार ध्रुव प्रसाद गजुरेलले हरित गृह, स्थानिय स्तरमा बनाउन सकिने जैविक मल लगायतका विषयमा जानकारी गराएका थिए । कार्यक्रम पश्चात सहभागीहरुले लालगढ स्थित ग्रिन भिलेज र धनौजीमा गरिएको जैविक खेतीको अवलोकन समेत गरेका थिए ।
मिथिला नगरपालिका कार्यालय तथा संस्थाको संयूक्त आयोजनामा भएको उक्त कार्यक्रममा यूएनडीपीका प्रदेश कार्यक्रमका संयोजक अर्जुन कुशवाहा, नेपाल दलित समाज उत्थानका अध्यक्ष सुनिल कुमार ठाकुर, मिथिला नगरपालिकाका निमित्त प्रशासकीय अधिकृत केशव कुमार अधिकारी, नक्टाझिजस्थित हरित गृहका संचालक शम्भु ढकाल, हातेमालो यूवा क्लबका प्रतिनिधीहरु, हरित गृह मार्फत जैविक खेती गर्दै आएका स्थानिय कृषकहरु, भैंसी पालनमा लागेका किसान तथा विभिन्न संघसंस्थाका प्रतिनिधीहरुको उपस्थिती रहेको थियो ।
प्रतिकृया दिनुहोस्