जनकपुरधाम,चैत १४ गते । प्रदेश २ का आठै जिल्लामा आज भएको एसईई विज्ञान विषयको परीक्षा रद्द गरिएको छ । परीक्षा अगावै प्रश्न पत्र बाहिरिएको पुष्टि भएपछि विज्ञान विषयको परीक्षा रद्द गरिएको हो ।
शिक्षा निर्देशनालय प्रदेश २ का निर्देशक रामाकान्त शर्माले विज्ञान विषयको परीक्षा रद्द गर्ने निर्णय गरिएको पुष्टि गरे । उनका अनुसार अब विज्ञान विषयको परीक्षा यही चैत्र २२ गते लिने निर्णय भएको सुनाए । उनले प्रश्न पत्र आउट कहाँबाट कसले गरेको विषयमा अनुसंधान सुरु गरिएको पनि बताए ।
सिरहा र सप्तरीको विभिन्न ठाउँबाट प्रश्न पत्र आउट भएको अनुगमनमा खटेका अधिकारीहरु बताउँछन ।
